டெல்லி வன்முறை: சரியான நேரத்தில்தான் தாக்குதல் நடத்தப்பட்டுள்ளது -பாஜக முதல்வர் விசம பேச்சு

0

குடியுரிமைத் திருத்தச் சட்டத்திற்கு எதிராக போராட்டம் நடத்துவோர் மீது சரியான நேரத்தில் தான் தாக்குதல் நடந்துள்ளதாக இமாச்சலப் பிரதேச மாநிலத்தின் பாஜக முதல்வர் ஜெய்ராம் தாக்குர் பேசியுள்ளார்.

இமாச்சல் மாநில பட்ஜெட் தாக்கலுக்குப் பின், ஜெய்ராம் தாக்குர் செய்தியாளர்களுக்கு பேட்டி அளித்துள்ளார். அதில், டிரம்ப் டெல்லி வந்துள்ள சாயத்தில் வன்முறை நடந்துள்ளதே..? என்று செய்தியாளர்கள் கேள்வி எழுப்பியுள்ளனர். அதற்கு, “இந்தியாவுக்கு எதிராக செயல்படுபவர்களை ‘டீல்’ செய்ய இது தான் சரியான நேரம்.

பாரத் மாதா கீ ஜே என்று கூறுபவர்கள் இந்தியாவில் இருக்கலாம். யாரால் அதை சொல்ல முடியவில்லையோ, யார் இந்தியாவை எதிர்க்கின்றார்களோ, யார் இந்திய அரசியல் சாசனத்தை மதிக்காமல் மீண்டும் மீண்டும் செயல்படுகிறார்களோ, அவர்கள் குறித்து நாம் யோசனை செய்யவேண்டிய நிலை உருவாகியுள்ளது” என்று ஜெய்ராம் தாகுர் கூறியுள்ளார்.

அவரின் இந்த பேச்சுக்கு, மார்க்சிஸ்ட் கம்யூனிஸ்ட் கட்சியின் எம்எல்ஏ ராகேஷ் சின்கா, காங்கிரஸ் கட்சி தலைவர் குல்தீப் ரத்தோர் ஆகியோர் கண்டனம் தெரிவித்துள்ளனர். “தன்னைத்தானே இந்தநாட்டின் தேச பக்தர்கள் என்று கூறுபவர்கள் ஆர்எஸ்எஸ் -பாஜகவினர் தான். இந்தியாவின் ஒற்றுமையை சீர்குலைப்பவர்கள்” என்று ராகேஷ் சின்கா தெரிவித்துள்ளார்.

Comments are closed.