முஸ்லிம்களின் வாக்குரிமையை பறிக்கவேண்டும்

0

முஸ்லிம்களின் வாக்குரிமையை பறிக்கவேண்டும் என்று சிவசேனாவின் அதிகாரப்பூர்வ ஏடான சாம்னா தலையங்கம் எழுதியுள்ளது.முஸ்லிம் சமுதாயத்தை வாக்கு வங்கியாக அரசியல் கட்சிகள் பயன்படுத்துவதாக சாம்னா கூறுகிறது.
இதுதொடர்பாக சிவசேனாவின் அதிகாரப்பூர்வ நாளேடானசாம்னாவில் ஞாயிற்றுக்கிழமை வெளியாகியுள்ள தலையங்கத்தில் கூறியிருப்பதாவது:
முஸ்லிம்களுக்கு இழைக்கப்படும் அநீதிகளுக்கு எதிரான போராட்டம் என்ற பெயரில் நாட்டில் வாக்கு வங்கி அரசியல் நடத்தப்படுகிறது. முஸ்லிம்களின் கல்வி, சுகாதார நிலவரம் அரசியல் லாபத்துக்காக பயன்படுத்தப்படுகிறது. இந்த அரசியலை காங்கிரஸ் கட்சிதான் முன்பு நடத்தியது.
இதுபோன்ற அரசியலுக்காக முஸ்லிம்கள் பயன்படுத்தப்பட்டால், அவர்கள் எப்போதும் வளர்ச்சியடைய முடியாது. அவர்களுக்கு எதிர்காலமும் இருக்காது. ஆகையால்தான், முஸ்லிம்களுக்கு அளிக்கப்பட்ட வாக்களிக்கும் உரிமையை திரும்பப் பெற வேண்டும் என்று பால்தாக்கரே முன்பு தெரிவித்தார். அவர் தெரிவித்தது சரியான கருத்துதான்.
முஸ்லிம்களுக்கு அளிக்கப்பட்ட வாக்களிக்கும் உரிமை திரும்பப் பெறப்பட்டால், மதச்சார்பின்மை முகமூடி அணிந்திருக்கும் அரசியல் கட்சிகள் காணாமல் போய்விடும்.
உவைஸி சகோதரர்களும், அவர்களது மஜ்லிஸ் கட்சியும் விஷம் நிறைந்த பாம்புகளை போன்றவர்கள். சிறுபான்மையினர் சமூக மக்களிடையே அவர்கள் விஷத்தை கக்கி வருகின்றனர்.
ஹைதராபாதுக்கு வர முடியுமா? என்று சிவசேனைத் தலைவர் உத்தவ் தாக்கரேக்கு உவைஸி சவால் விடுத்துள்ளார்.
ஹைதராபாத் இந்தியாவில் உள்ளதா? லாகூர், கராச்சி, பெஷாவரில் உள்ளதா? என்று அவரிடம் கேட்க விரும்புகிறோம். மராத்தியர்களின் பெருமை, பாகிஸ்தான், ஆப்கானிஸ்தான், காந்தஹாரில் உள்ளவர்களுக்கு நன்கு தெரியும்.
உவைஸியின் கட்சியால், நாட்டுக்கு எந்த நன்மையும் கிடையாது. மஜ்லிஸ் கட்சி, ஓர் பழைய பாம்பு என சாம்னாவின் தலையங்கத்தில் தெரிவிக்கப்பட்டுள்ளது.
சாம்னாவின் தலையங்கத்திற்கு கடுமையான எதிர்ப்பு எழுந்துள்ளது.’சமூகத்தை பிளவுப்படுத்துவதையும், உணர்ச்சிகளை தூண்டிவிடுவதையும் சிவசேனா லட்சியமாக கொண்டுள்ளதுஎன்று காங்கிரஸ் கட்சி குற்றம் சாட்டியுள்ளது. ’நமது நாட்டின் கலாச்சாரத்தில் இத்தகையவர்களுக்கு இடமில்லைஎன்று காங்கிரஸ் மேலும் கூறியுள்ளது.
பல்வேறு சமூகங்களிடையே பகைமையை உருவாக்குவதே இத்தகைய விமர்சனங்களின் பின்னணிஎன்று சமாஜ்வாதி கட்சி குற்றம் சாட்டியுள்ளது.’அரசு சிவசேனா தலைவர்கள் மீது சட்ட நடவடிக்கை எடுக்கவேண்டும்.அரசியல் சாசனத்தில் நம்பிக்கை இல்லாதவர்களுக்கு இந்தியாவில் இடமில்லை.அவர்கள் நாட்டை விட்டு வெளியேறவேண்டும்இவ்வாறு அக்கட்சி மேலும் தெரிவித்துள்ளது.

Comments are closed.