இந்தியாவை வழிநடத்துவது 4 பேர்கள் தான்: மோடிக்கு ராகுல் காந்தி பதிலடி

0

இந்தியாவை மொத்தம் 4 பேர்கள் தான் வழி நடத்தி இருக்கிறார்கள் என்றும் அந்த நான்கு பேர்களுக்காகவே வேளாண் சீர்திருத்த சட்டம் கொண்டு வரப்பட்டதாகவும் மக்களவையில் ராகுல் காந்தி தெரிவித்துள்ளார்.

நேற்று மக்களவை கூடியதும் நரேந்திர மோடி, வேளாண் துறைக்கு ஊக்கம் அளிப்பதாக மூன்று வேளாண் சீர்திருத்தச் சட்டங்கள் கொண்டுவரப்பட்டன என்றும் இந்த சட்டத்திற்கு தவறான சாயம் பூசி காங்கிரஸ் கட்சி விமர்சனம் செய்வதாகவும், இந்த சட்டங்களை திசைதிருப்ப காங்கிரஸ் திட்டமிட்டுள்ளதாகவும் வேண்டுமென்றே பொய் பிரச்சாரங்களை செய்வதாகவும் குற்றஞ்சாட்டினார்.

மோடியின் கருத்துக்கு பதிலடி கொடுக்கும் வகையில், மக்களவையில் காங்கிரஸ் எம்.பி. ராகுல் காந்தி பேசியதாவது, நமது நாட்டின் முதுகு எலும்பான விவசாயத்தை அழிக்கும் நோக்கத்தில்தான் இந்த வேளாண் சட்டங்கள் உள்ளது என்றும் இச்சட்டத்தால் விவசாயிகளுக்கு எந்த நன்மையும் இல்லை என்றும் கூறினார்

மேலும் தொழிலதிபர்களை ஊக்குவிக்க வேண்டும் என்பதற்காகவே அவர்களுக்கு சாதகமாக இந்த வேளாண் சட்டங்கள் உருவாக்கப்பட்டு இருப்பதாகவும் இந்தியாவையே நான்கு பேர்கள் தான் வழி நடத்தி வருகிறார்கள் என்றும் அந்த நான்கு பேர்களுக்கு ஆகவே இந்த வேளாண் சட்டங்கள் கொண்டுவரப்பட்டு உள்ளதாகவும் அந்த நான்கு பேர் யார் என அனைவருக்கும் தெரியும் என்றும் கூறினார்

Comments are closed.